【歐遊攻略】點解「英國入,歐洲走」大部分時間平過「歐洲入,英國走」?
大家去歐洲,通常會一次去幾個國家。如果你嘅行程會包括英國,咁你就真係要好好 plan 下! 事關去英國先,同最後去英國嘅機票價錢可以差好遠! 下面會同你講點解!!!
英國飛機稅 (APD) 真係好貴!
係英國搭飛機,係要畀 Air Passenger Duty (簡稱 APD)。收嘅 APD 係根據你坐咩 class 同你嘅最終目的地而定:
目的地距離 (miles) | Economy | Premium economy 或以上 |
---|---|---|
Band A (0 – 2,000 miles) | £12 | £26 |
Band B (超過 2,000 miles) | £78 | £172 |
記住,個稅係睇最終目的地,所以如果你係同一張機票,由英國經歐洲返香港,你都係要畀 Band B 嘅稅 (因為你嘅目的地係香港)!!!
例子 :「英國入,荷蘭走」VS「荷蘭入,英國走」
大家可以比較下面兩個 CX 行程: 日子一樣,base fare (未計稅) 都一樣,但係最後兩行嘅稅加埋,「英國入,荷蘭走」係平 600 HKD!!!
英國轉機唔使畀 APD
大家再可以比較下面兩個英國航空 BA 嘅行程: 日子一樣,base fare (未計稅) 都一樣,一個係去程經倫敦轉機去荷蘭,一個係回程經倫敦轉機返香港。
大家可以見到,回程經倫敦轉機係唔使畀 APD! 加加埋埋差唔多平一千蚊!!!
坐 premium econ / business class 差價更大,平二千蚊!!!
上面講到,英國出發坐長途 premium econ / business 要畀成 £172 APD! 比較下面兩個新加坡航空 SQ 嘅行程,日子一樣,base fare (未計稅) 都一樣。但係計埋稅之後,「英國入,荷蘭走」係平二千蚊!!!
Bottom line
去歐洲邊有人會淨係去一個國家架! 不過如果想去埋英國,就最好用「英國入,歐洲走」嘅行程,慳到幾錢分分鐘夠你食多幾餐好嘅!!