【平價日本商務艙】Avios，是可以買的。教你用 $4,600 「買」來回東京 CX / JAL Business class!
想坐 Business 去日本? 上 Google flights 望下個價錢，HK$12,xxx。嘩，真係嚇到個心都離一離呀!! 無辦法，唯有用 Asia Miles 啦，點知 AM 戶口又唔夠 miles，咁點算?
西班牙 Iberia (IB) 伊比利亞航空最近出咗 promotion，平均每港幣 1.03毫就買到 1 Avios。你無睇錯，就係平時搭英航 BA 儲開嘅 Avios!
預啱日子，就可以用 44,000 Avios (未連稅) 換國泰 CX Business Class 來回東京，嘆住返鄉下!
上 BA Executive Club 搵飛先!
相信大家對用 Avios 換國泰 / 其他 oneworld 機票唔會太陌生，所以換飛方式我唔會詳細介紹。
我建議大家先搵啱日子，再去買 Avios 換機票。因為任何 miles/Avios 長遠都會貶值，所以最好都係搵啱日子，然後買夠 Avios 即刻換成機票!!
要 check 咩日子有機票，好簡單: 登入自己嘅 BA Executive Club account，然後去 Book flights with Avios 揀目的地 / 日期。唔需要特登揀 Business class，因為下一頁 Econ 同 business 嘅位都會 show 出來!!
就算你 account 無 Avios，都一樣可以 search! Search 啱日子先再買 Avios。
用 Avios 換 JAL /國泰 CX Business Class - 幾多 Avios /附加費？
去日本嘅話，Avios 可以換到日航 JAL 或者國泰 CX 嘅機票。不過，同一張機票只可以有一間航空公司，所以如果想一程 JAL 一程 CX，就要分開兩張單程換!
可以換到嘅目的地有 (附加費以英鎊 GBP 顯示) :
東京 (成田 / 羽田): 44,000 Avios + £61.20 (JAL) / £61.60 (CX)
大阪: 44,000 Avios + £64.80 (CX)
名古屋: 44,000 Avios + £63.80 (CX)
單程 Avios 就要 22,000 Avios (來回嘅一半)，附加費自己查...
買 Avios 換機票 Step 1: 加入 Iberia Plus
買 Avios 換機票 Step 2: 用 Iberia Plus 買 Avios
Activate 咗 Iberia plus account 之後，就可以去呢度買 Avios (click 入 see terms and conditions, 然後 Purchase or gift here)。
Iberia Plus 而家做緊一個 50% bonus promotion，你買每 1,000 Avios，佢送 500 Avios 比你，除開平均最低 1 Avios = €0.012 = 0.103 HKD，買得越多越平。Pre-bonus 每個 account 最多可以買 200,000 Avios，所以計埋 bonus 就係 300,000 Avios! 夠你去六次日本!!
呢個 promotion 會做到 30/6，而 Avios 嘅有效期係 3年。
買 Avios 換機票 Step 3: Transfer Avios 去 BA Executive Club
重點係呢一步，所以我之前一再強調，兩個 account 嘅個人資料一定要 match!!!!
Transfer 有兩個要求:
兩個 account 都要開咗超過 90 日
兩個 account 過去三年內都要有 activity
Activity 包括用 Avios 換機票、買 Avios、信用卡 / 酒店會籍轉分去 Avios，搭飛機儲 Avios etc.，不過 transfer Avios between accounts 唔當係 activity!!!
所以如果你係新開嘅 BA Executive Club account，或者係開咗好耐無乜 activity 嘅 account，最簡單就係攞張 American Express / 大新 / HSBC premier 轉分去 BA。
我無 sponsor 又無 referral link，所以你哋自己 Google 下可以賺 Avios 嘅信用卡啦!!
Transfer 嘅 step-by-step guide 可以睇 呢度。
如果上面個方法唔 work，或者你 set up 咗「全家儲」household account，就會比較複雜，可以睇下 呢度。
主要分別係，你要去愛爾蘭航空 (Aer Lingus) set up 一個 Aer Club account，再去 Avios.com 做 transfer。不過 Aer Club account 毋須 activity。
Transfer 咗嘅 Avios 會即時去到你嘅 BA Executive Club account，之後就可以換機票!
(Touchwood transfer 唔到 Avios 唔使驚，其實用 Iberia Plus 都一樣換到 CX 日本來回機票，不過會貴 2,000 Avios。唔想咁麻煩 set 咁多個 account 一樣可以直接用 Iberia Plus 換。)
Bottom line
Miles，唔一定要靠 credit card / 搭飛機儲，有時直接買仲爽仲方便! 今次買 Avios，就可以間接用 HK$4,600 (未連稅) 買到香港來回東京嘅 Business class，平時直接用cash 訂要 5位數!!! 真係抵好多呀，仲可以坐 JAL 試吓人哋嘅日式服務 + 和食!
想知點樣可以平住靚酒店，可以睇返之前嘅 post!
如果你覺得呢個 post 有用嘅話，就留言 support 下!
